السلام عليكم ورحمه الله وبركاته
صباحكم الله بالخير يالعمال العماليه
..................................... مساكمالله بالخير يالعمال العماليه
ماتعطونا بنتكم الحلوه والزينه
........................................ مانعطيكم هيا الإ بالف وميه
ندخل على دياركم ونكسر أبوابكم
.................................................. .... وهذي عروستنا
فتااحــي ياورده سكااري ياورده .. هينا ورده << ياحبي لها الى الحين العبها مع البزران
هذا الزمن الأقشر اللي عشناه فيما مضى
عصر ماقبل البطاره ... عصر الورعنه والبزرنـه
أعتقد كل شخص فوق الـ ١٧مر على هذا العصر الأغبر .. واللي مامر على هالعصر لايكمل يقراء الموضوع علشان برستيجنا مايهتز
هالزمان راح أقسمه لأيااااام .. علشان تعيشون الجو صح
أياااااام الكشخه
الكشخه فينا تلبس الطوق والبكله والشراب القصير أبو كشكش وحاطه من الروج الأخضر السحري "اللي بعد خمس دقايق يقلب أحمر .. كأنها مصاصه دماء .. "
ماعاد الشكل يصير برئ هي وذا الروج<< ترى هالروج الحين صار موضه .. واذا مالقت روج تشتري حلاو اللي بصبغه حمراء وتشخط فيهاهالبراطم
واللي تلبس الفستان المكسره "اللي من تحت مليان جيبون" اللي حزام الفستان يسحبل بالشوارع وله كتافات أسفنجيه عاليه الجوده
<< والله خطيره هالكتوف تحسين انك حرمه يوم تلبسينها ..
وماننسى طبعاً مبدا الزي الموحد عند العائلات .. ثنين ولاثلاث من البزارين لازم طقم<< وطبعا هالعاده الى هالحين في ماراحت بس الملابس اكشخ
ويووه اهم شي التيور الكامل طقم مع القبعه << كبوس
اياااااام بقاله أبو سعيد<< ابو بشير << ابو هليل << لازم ابو ولا ماتكون البقاله في السعوديه
الوحده منا تركض للبقاله بقميصها القطن "اللي شاريته لها أمها من البياعه اللي تجي عند بابهم " تشتري ببسي أبو كيس>>
>> بنص ريال .. وتشتري معه البسكت ابو ميزان او البسكوت عليه رجل من الفضاء << تبون الصدق لهاالحين احبه
ولا أيسكريم أربعه بواحد ابو ريال "البرتقالي - والأحمر - والأخضر - والأصفر" اللي
يتقاسمونه ورعان البيت كلهم ...ويحظها لو صارت العلبه لها لحالها يقعد ثلاث ايام بالثلاجه وهي تلط منه
بس تبون الصراحه هالايسكريم فيه طعم لاهو عند باسكن روبنز ولاكون زون
ولا فيه اسكريم ابو هديه << كل شي لازم فيه ابو ..كله كوم وبناجرهم كوم هههههههه وحده من البنات مره جابته في المدرسه طلع
لها دبله يااننا تصروعنا ضحــك << ياحليل هدايهم والله
أياااااام التصرفات الهمجيه
حدث ولاحرج .. مدري عاد هالتصرفات توارثتها الأجيال ولا لا
بقلوب صافيه كنا نزعل ونرضى من اللي زعلنا بسرعه بس شرط أساسي أصبعه الخنصر لازم يتصالح
مع أصبعي أنا <<<اه على ايام البراءه
لا بس هذي تهون عند طريقه الحلف " لاحول ولاقوه الأ بالله " حط أصبعك في فمك ولازم يمتلي الأصبع من السعابيل
وبعدين مردغ فيها حلقك .. الحين تصير صادق
<< ياكثر ماسويتها ذي
أما اللي بيعلم أنه تسذوووب يمد لسانه ويطير لسانه بأصبعه
>>>> ماأعتقد اني وفقت بهالشرح
أياااااام التلفزيون
طوووووووووووووووووط >>>> فجرت أذانيكم صح ... والشاشه الملونهاللي كل عامود لون ...
ولا ترن تن تررررن ترررن >>>> هذي النغمه لمى يحطون شاشه الساعه .. ومن تجي عشر .. يبدا القران وبعده يحطون صوره
الملك فهد الله يرحمه والعلم وينشدون سارعي للمجد والعليا
وبعد أفلام كرتونهم الماصله
أنا أذكر بشار اللي ضيع أمه والدببه اللي بمدينه النخيل وحبيب قلبي الليث الأبيض
..وقريه التوت والشرطي جزره يحزني شخصيته ضعيفه وذا الكرتون اللي يقول بيب بيب ومره سريع ماعرفت اسمه .
بس تطورت وحبيت روبن هود وهايدي وسالي والكابتن ماجد .. هذا التطور يمكن على اخر ايام الأبتدائي
وصرت أتابع أفتح ياسمم ..
وبعد هالتطور صرت أتابع برنامج الأطفال وأغانيهم الماصله
والأفلام الاجنبيه .. اللي كانو يجيبونها على القناة الثانيه
وفيه فلم ثاني اللي الحرمه تقطع العقد اللي لابسته عند المعبد >>> يعني طلقت زوجها
وبعد التطور " أمحق " تسنعنا وصرنا نتابع مسلسلات ... .. "مسلسل عواد" .. "وصح النوم" .. " ويوميات ونيس" "وفايز
التوش""ومسلسل جواهر .. اللي فيه زوينه وحمد وجواهر "<< ماكنت احب زوينه الشريره
ومسلسل البدوي بعد المغرب اللي اسمه " عقاب" عاد العائله كلها تجتمع وتناظر في الفارس الملثم عقاب
أيااااام الأناشيد
متى يجي بابا
يجي الساعه سته
راكب ولا ماشي
راكب باسكيلته
حمرا ولا بيضا
بيضا زي القشطه
>>> العن ابو المصاله
سويره راحت البر
تجيب العيش الأخضر
واتحطه بالصواني
على جية خوالي
خوالي يا دلالي
<< واشربوا الحليب يااطفال ياحلوين << كملوا الباقي ..
مو اناشيد هالحين <<اسناني واووه << وبابا تليفون << تعقدت من اخوانها ادمان طيور الجنه
أياام المدرسه
أول يوم دراسي .. والكرتون الكبير اللي يجيبه ابوي من المكتبه وكلها محتوياته من ذوووقه
" درزن دفاتر أبو ثمانين ولا ستين _ فروووخ لتجليد الدفاتر _ برايه أم مرايه << كنا نسوي فيها حركات نثبتها بالمريول هههه
وأشياء لاتعد ولاتحصى .. ويجي دور الهجوم على الغنائم >>>> أول مره يشوفون شي جديد
لا والسلام الملكي حق المدرسات .. من تدخل المدرسه الكراسي والطاولات يبن ينحاشن من اصوات البنات
" vشرفتينا ونورتينا ياابله نوره .. نوره ياعيوني ياللي لابسه الليموني لابسه الساعه اللماعه تسوى كل الجماعه
ولا اذا دخلت ابله صالحه .. نورتي الفصل يابله صالحه انت العسل واحنا البصل << نسب انفسنا عيني عينك ..
أيااااام الممنوعات
كان الأتاري من ضمن الممنوعات في بيتنا .. أو بمعنى أصح مايجي من نفسه لازم له طراره من البزارين علشان يسمح له دخول منزلنا ..
<< اموت في الفطر اذكر اذا نقز انقز معه << اثر الحماس ..
كان الميك أب عيييييب
بس أزين شي ان طلعت الشارع عادي
كانت فيه أشياء كثيره ممنوعه بوقتها ... كل ماأذكر أني أصيح لمى يرفضونها أحس ان البرائه بتشقق بعضها ..
>>>ايه هين
واحلى شي دشرات الشارع كنت حشاشه مرره كنت مصفقه الوراعين مافي مشكله الا واطب فيها .. بس
يوم نقلنا صرت عاقله اجلس عند الباب..
<< والله ودي عندي زر عند يدي واضغطه وتطلع لي شاشه واحط الرقم اللي ابيه زي مثلا احط 10 ارجع عشر شنين يووه قصم وناسه <<ماتلحضون اني شطحت بالخيال ههههههه
ملحوووظه
* واللي مامرت عليه هالأشياء ولا عاصرها .. لايتفلسف هنآأا .. ويطلع برا
* واللي من ربعنا يشارك بذكرياته الماصله معنا ..
مع تحياتي
محبتكم اجمل احساس
ملتوووووووووووووش لعيوووووووووووونكم