اخواني اعضاء الاداره ومراقبين ومراقبات ومشرفين ومشرفات
هذا الموضوع حبيت اطرحه اول واحد لانه يهم الرقابه ويكون المشرف عارف اللعبه
طبعا عارفين انتم ان المنتدى شبه عائلي والعلاقات مبنيه على زمالات .. يعني هذا يعرف هذا وهذي تقرب لهذي او زميله لها في المدرسه او او او ...
المشكله ان المنتدى يعاني من امرين :
الاول : كثرة صغار السن ( البزران )
الثاني : تعدد الاسماء .. يعني العضو الواحد عنده اكثر من يوزر .. وتلقاه يدخل رسمي وثقل بواحد والثاني مهايطي ومشاغب
والمشكله الاكبر اللي داخل بيوزر ولد وهو بنت او العكس لامر ما في نفس يعقوب
طبعا راح نتعاون على ايقاف هالظاهره .. انا سويت هاك " برنامج " في المنتدى يعطيني رسايل بالاعضاء اللي يدخلون باكثر من يوزر .. طبعا هو يعتمد على الكوكيز والاي بي .. يعني ماهوب دقيق ميه ميه لكن يساعد بالمعلومه ولا نعتمد عليه ... لانه لو اثنين اعضاء يستخدمون نفس الكمبيوتر رايح يعطيك رساله وهذي مو صحيحه لانه ممكن الاخوات في بيت واحد وما عندهم الا لابتوب واحد يدخلون منه .. عادي
على العموم انا ان شاء الله ابفتح موضوع واحط فيه الرسايل اللي تجيني علشان تكونون بالصوره وتعرفون ايش قاعد يصير
ونبي وحده منكم تفتح موضوع للتبليغات عن المشاركات والردود السيئه واسم العضو .. ونبدأ نفعل عملية الطرد "باند" علشان ينظف المنتدى بس بعد ما نعطي فرص ونسامح ونشوف
المنتدى محتاج زيادة مشرفين ومراقبين .. افتحوا موضوع لترشيحاتكم ونناقشها ونشوف
ولي رجعه
تحياتي للجميع