((كشتي باحلتن بها ..¿¿))

[أم الهكي]

((كـشـتــي باحـلتن بــــها ..¿¿))

بعد تسع سنين من البحث والتجارب والتعب والتدقيم والدق والدقيق
والتونون والونين عقب مايأست إني القى حل عقب وعقب .....آلخ
قــلـت !!!!!!
خلاص لازم ترضين باالواقع "فجأه"ارجع للواقع ´¯¨´¯¨´
وأقـووول:وعووووووووه الواحد معد يقعد على عماه وانا جالستن على
عماي الله يخلف علي بس
ومن هالمنطلق اصريت اني اعرض مشكلتي عليكم لعل وعسى تجيب
فايـــده

¤ّ,¸¸,ّ¤º°`°º¤ مــاي هيـــــر¤º°`°º¤ّ,¸¸,ّ¤º:
مشكلتي يا اوادم هي كشيشتي
أبـي لـها حــل أبـيـــها تنعـــم وتصير زي اللي في الدعايات
"الاعلانات لغير الناطقين بالمحليه "

أكيد من كلامي تخيلتوا إن شعري (ليـفـــه) لا والله الحمد لله "الحمد لله"شعري
مو لهاالدرجه خشن شعري يطلق عليه ((كــيرلـي)) زي شعر الفنانه السوريه
}(سولاف فواخرجي) {
<< بس خشتها تفرق ترى
يكون ملفلف من فوق لحد تحت وينتفش واذا استشورته يطلع ناعم بس الأطراف التقصف لاعب في والديها لعب حتى من كثر ماهو متقصف الأطراف صايـر لونها ابيض ¡¡
<<< شيبت قبل لاتعرس
واذا استشورته عند كوفيره يطلع اوكييه اللي يشوفه مايقول ذي شعرها"فلافل"
أنا الحمد لله مقتنعه في شعري بس......¿¿!
المشكله الاغلبيه من مجتمعي مايواطن الشعر اللي تسذا......
أحس لو إني في أمريكا ولا طقتها مافيه إلا قوة ملاحق
<< تحسبهم زي مسابيهنا من يشوفون زول حرمه طارو وراها
طيب ناظر يمكن عجوز يمكن شغاله ماعندك أحد مايردهم الا شهار وعساه ييزيهم
ماتلاحظون إني بديت ادخل مواضيع على بعضها المهم ماعلينا!!!!
أقولكم برى يقدرون الشعور((الفلافل))صح إني ماقد طبيت ارض برى ابد لكن
من ذا الافلام الأجنبيه بنيهم كلهم "كشش"محد ينتف فيهم حتى اني قلت!!!
يمكن مالقو لهم أحد قالوا مالنا الا ذي أم "كشه"لكن اني تفاجئت ¿¿
يوم شفت البطله "كشه"
قلت:لو إن شعرها بيأثر عليها كان ماحطها المخرج...
حتى أذكر مره وأنا رايحه أشرب مويه الا أمر من عند غرفة
(أمي وأبوي)وكني أسمع صوت قلت!! الا ورى ماأذب إذني فرصه
أتعلم..
<<تخطط لبعدين
المهم سمعت..¿¿
أمي تقوول:يا الله هذي صورتك يوم كنت بسويسرا
قال:ايه
قالت:شلون كنت راضي على نفسك "كشتك طاقه طبولها..¿¿
<<سيم سيم شأر
قال:ياحبيبتي
<<حست خدود امها حمرت
في هذاك الوقت كانت "الكشش"عندنا موضه يقول حتى إن البنات
السويسريات من كثر ماهم خاقين على شعري يقولون وش حاط فيه...¿
وارد عليهم واقول ابد خلقت ربي
طبعا هذا كله باالانقليزي
<<حست ان امها زبدت وبتقلبها نكد
امها تغار على أبوها حتى من غيرتها الزياده معيه إنهم يسافرون
برى خوفا على ان زوجها(علاوي) يقزقز البني.
المهم اني فركت يوم سمعت نشاق أمي
وأنا رايحه لغرفتي أتذكر كلام أبوي
قلت:شكل مالي الا أعرس من برى.....

جا يوم وأبوي قمة في الترويق قلت مالي الا اجس نبضه "الحين"..¿¿
قلت:يبه عادي لو اتزوج"أمريكي" ولا"لبناني"توافق.....!!
طبعا ابوي وقتها..
طير عيونه مع إنها صغار وجبهته تصفطت وخنافره كبرت عاد هي
خلقه كبيره
أنا يوم شفت الوضع تسذا..
قلت:مسلم مسلم ماعليك منيب ماخذه كافر"""""
قال:وشووووووووووو (بنزقه)وحسيت ان يده في غير موضــــعها
الطبيعي .
لايروح فكركم لبعيد
قصدي يعني كن يده متجهه نحو وجهي ليصمخني بذاك الـــكـــف
فاتذكرت!!ان اسناني توني قاصتها ماله داعي يطيرها عاد بقعدبهـــا صدز
فاقلت لبوي:كنت امزح وش فيك الواحد مايقدر يمزح مع أبوه أشوا يوم
قلت تسذا راح وتركني........
يمكن فيه الحين ناس حاقدين علي..¿¿
يقولون:تفضل الأجانب على السعودين
< اشوا ان محد طق لتس خبر
والله السعودين تاج راسي بس...!!حطوا نفسكم مكاني!!

أبوي دائما إذا شافني يقول" اللهم سكنهم مساكنهم"ولأ وراتس نافشتن ذا الكشه"ولأ
أعوذ باالله روحي ضفيها" ((المشكله انه نسى ان شعري طالع على شعره))
أخواني:دائما اذا تطاقيت معهم عيارتي الأساسيه ((أم كشه))
اذا كنت نايمه أحس شي فوق راسي أشوف ¿!!القى أخوي الصغيرجايب" سياراته
الصغار"ويلعبها فوق راسي على ان شعري مطب ولأ تطعيس تعرفون الفلافل لها
مداخل ومخارج.....
حتى شغالتنا تقول:انتي شأر سوا ايندومي
قلت:بعاد هذا اللي ناقص فلبوا ويحتسون...


حتى مره يومني (بزر)
<<<وش دعوه ياالكبيره
أمي عطتني حراره او حاااااااافظه
< ماطه الكلمه عشان محد يلتبس عليه الامر ويقراها شي ثاني
وسميت بهذا الاسم لانها تحفظ الطعام من البروده ليظل ساخنا فتره طويله..
المهم¿!!
ان امي عطتني الحرراره وفيها`°¤ّ,¸جريش أحمر¸,ّ¤º:
قالت:وديها للجيران
قلت:أي جيران¿¿¿
<<مب أي جيران تروح لهم..
قالت أمي:اللي ولدهم عطاك حلاو"بقـر"ذاك اليوم
<<أمها فاهمتها
قلت:طيب وأنا متشققه
<<في قلبها تقول زمني أشوف سعد
تبون الجد أنا مخقخقه عليه من أول ماسكنوا جنبنا..ويوم عطاني الحلاو حسيت
إني حبيته حسيت بتصير بيني وبينه قصة حب ..
رحت ولبست ذاك الفستان اللي كله "ورود"وفيه"كراميش"من تحت وفيه"أبه"
من فوق ولبست"كعب أمي عشان أطول وخليت شغالتنا تستشور شعري ونزلت
"خصله"
وخذت الجريش ورحت وانا في الطريق ادعي ان سعد يفتحلي الباب وأرن الجرس
ررررررررررررررررررررررررن ويفتح الباب "سعد" اللي حبيته
<<<الكشره من هنا إلا هنأ وذا الأخضر يلق بين الضروس(البقدونس)
بقايا السنبوسه اللي بعد الغداء
قلت :سعد
قال:هاااااااااه
قلت :هاااك الحافظه وعطها أمك
....الأ تعال كني أسمع صراخ وش عندكم
<<اللردار أشتغل
قال:أبد عيال الجيران يتسبحون في مسبحنا أمممم الأ وش رايك تجين تطبين
معنا !!!!!


فكرت وعلى طول جت في بالي فلم(تايتنك)يوم ذاك البطل واللي يحبها واقفين
على أول السفينه ومادين يدهم
جلست أتخيل شكلي أنا وسعد راقين فوق"""" (مجلسهم اللي برى)اللي يطل على
المسبح ومادين يدنا....
قلت:طيب بتسبح معكم
وأندعس ورى نخلهم وأفصخ الفستان والكعب والفنيله مابقى إلا( الصروال)وتذكرت¿
ان كل صراويلي عطيتها الشغاله تغسلها ومن الربكه والخرشه خذت ...¿!
صروال أخوووي "لؤي" ~þ~السناوي~þ~
جلست شوي أفكر هو إني أروح ولأ أطب.......¿¿
بعدين قلت:يابنت مابين الحبيب وحبيبته رسميات
<<<أخص ذا البزر مب سهله
وأتجهت الى المسبح وأنا كلي ثقه""""توني بطب الأ عيال الجيران وسعد..¿¿
متسدحين من الضحك ومن كثر ماهم يضحكون يصفقون
قلت في نفسي((والله ما ألوم الفنانين اذا كبرت روسهم))..
<<تحسب كل ذا التصفيق تشجيع
قالوا:ياالحبيبه ياالله طبي ورينا مهاراتك.....¿¿!
قلت:ياالله وأطب صاروخ وأول ماطلعت قالوا:كفوا ياالشنب
<<كل مال الراس ويكبر
بينما حبيبي "سعد"داق الهواجيس...قلت:سعد(تتشقلب معي) قال تعااالي...¿¿
الحين شعرك وراه كمش ...¿¿!! قلت:هو بس بس في المسبح يشمر..
جلس يضحك علي وعيال الجيران يضحكون وأنا من الدباشه غاشيه ضحك
معهم.
<<ياعمري ماتدري إنهم ميتين ضحك عليها
بعد شوي.....جا( ابو سعد) قال:سعد ياسعد
قال سعد:سم يبه قال ابوه:الحين ذا بنت ولا ولد .....¿!!
قال سعد:هذي بنت جيرانا اللي بيتهم في القرنه""""قال ابوه:وأنا أبوك ما اخترت
الأ ذي أحوول انت ماشفت كشتها .....¿¿قال سعد:عاد أنا لاقي وحده اضحك عليها
زيها....ناداني الابو:فلانه اللي هي أنا
قلت:سم وانا مستحيه قال:الحين وراتس طابه مع العيال بلحيلتس...¿¿
قلت:عادي كلهم أخواني الأ سعد وأغمز¡واحد مهوب ضار...
الأبو وصلت معه وقال:طسي ولعد تجينا إلا معتس أمتس ياام "كشه"ورحت البس
ملابسي والسناوي حطيته فوق كتفي ورحت لبيتنا.....أول مادخلت..¿¿
قالت أمي:وراتس تأخرتي ياخراب السفينه¿¿قلت:يمه ترى آخر مره اروح لبيت أم
سعد.. قالت:وراه¿¿!وليه شعرتس أنتفش¿¿قبل لاتروحين وش زينه¿¿وليه صروال
لؤي معتس¿¿وليه فيه مويه¿¿.......سحبت عليها ورقيت الدرج وانا أرقى اسمعها
تقول:يبيلتس واحد يزوي هلبتس يذا البنت..برضو سحبت عليها ومارديت لأن
ما أضمن اتفلت عليها بكلمه شنيعه..
<<<أنواع العقووق.
ورحت أنوم ...ومرت الأيام أحتري سعد يمر علينا¿¿بس شكل سعد حس اني
لعبت عليه¿¿وما أعترفت له من البدايه ان شعري "فلافل"
شفتوا حتى اللي حبيته سحب علي عشان شعري.....

حتى الناس ضدي مب العله في أهلي بس ولأ اللي حبيته.......¿¿!
مره جت أمي لغرفتي وقالت:يابنيتي وأنا أمس ¿¿قلت:هااه سمي...¿¿¿
قالت تدرين اليوم داقين ناس يخطبونتس ويوم دروا ان شعرتس خشن هونوا...¿¿
لوه بس هاالناس سلكت...قلت:يمه هم شايفيني ولأ أحد قايلهم عني¿¿ قالت:شايفينتس
قلت طيب مدامهم شايفيني أكيد شافوا شعري¿¿¿قالت:شايفينك في زواج بنت خالتك
قلت: ايه الدعوه تسذا شايفيني وأنا مضبطته عند كوفيره....
طبعا في تسع السنين اللي راحت لاانسى جهود أمي الله يحفظها ويخليها لي مابقى
خلطه في الشعر ماحطتها في راسي ...حطيت "زيت الوز"والخروع"والسدر"و
وطحنت موز"مع حليب وزبادي "ومره بيض"ومره مايونيز"كل شي جربته حتى
اليت الخروف (شحم)حطيتها حتى أتذكر أخواني قبل لايدخلون يدقون "اللطمه"
من الريحه ومع ذلك أستحملت تهزيئهم كله من أجل شعري ولكن مانفعت قالوا مالك
الأ........¿¿
وضع بول البعير عليه
< وخرو عنها المؤدبه
بس بشرط..¿¿¿¿
تصير طازجه توها نازله فرششششش
رحت للبابا:قلت يبه الله لايهينك اذا رحت أشتر بعير
قال:سلامات ياأم الشباب وش تبين به ..¿قلت:عشان كذا وكذا أبوي العاده اذا قلت أي
شي يعيي لكن يوم شرحتله موقفي...قال:ولا أخلي في قلب بنيتي شي توه بيروح
يشتريلي البعير الأ تدق نفس الحرمه اللي قالت لي عن هالطريقه
قالت :وين أمك ¿¿قلت أمي طالعه قلت أبشرك أقنعت أبوي يشتري بعير ووافق
أنا ذيبه ...جلست تضحك بعدين قالت نصيحه لاتستعجلين ترى حطيته لبنتي مانفع
ياالله ما أطول عليتس اذا جت أمس قوليلها دوريت الجيران بكره عندي مع السلامه
<<تقول في نفسها الله لايسلمك وش عقبه يابنت ال.... عقب ماأملت على حل
عقب ماأقنعت أبوي لا ولو اني مارديت عليها وقلتلها كان الحين
أنا متوهقه في ذا البعيرآآآآه ياالقهر آآآآآآه..
رحت لأبوي وقلتله كلامها قال:شوفي عناد فيها بسفرك برى"وخليهم ينعمون
شعرك زي أحلام وإذا زان روحي عندها حريها ولا تعلمينها وش زان
منه ..............قلت طيب بس المشكله اني لو رحت برى بفهي منيب أدبر شي
أبوي صح يدبر بس حركات مشاغل وزي كذا مايدبرها فا يوم شفت الوضع
تسذا...............¿¿
قلت:أترفق أصرف
المهم!!تمر الأيام وأنا كل يوم خلطه لين جا يوم وانا في المدرسه ...
<<<كل ذا المعانات وآخرتها توها بزر بس هانت كلها سنه ان شاء الله وتتخرج
أقولكم وانا في المدرسه الأ تجينا طالبه جديده"تعرفون أنا أول ماأناظر في
الشكل "الشعر"
وأناظر شعرها "اللهم صلي على محمد "يهبل
قلت:مالي الأ أحتك وأصادقها وفعلا مرت الأيام لين
جا ذاك اليوم وصادقتها طبعا أول يوم كان كل كلامنا رسمي ثاني يوم سيده
سألتها عن شعرها....¿¿¿
قالت:أنا فاردته وترى نوعية شعري أول كانت نفس نوعية شعرك باالضبط
هي قالت ولأ ماقالت أحس اني أسعد انسانه في الدنيا وأخيرا لقيت حل و
أروح لأهلي وأبشرهم وكل اللي نعرفهم علمتهم بأن الفرج قريب..
قلت:لصديقتي أم شعر مفرود الله لايهينك!أبي رقم اللي فردت شعرك ¿¿¿
وفي أي مشغل سويتيه¿¿¿وكم في السنه تسوينه من مره¿¿
< اشرقتها بالاسئله
قالت:برسلك رقمها على جوالك¿¿وترى مو مشغل وحده تروحين لها في بيتها
في (الروضه)وتسوينه مره في السنه ""
أنا خلاص تشققت
خصوصا!!!!اني شايفه البنت بأم عيني مب أختها أمها يعني محد قالي انا شفتها
بنفسي....
البنت قالت لي: انتبهي يضيع رقمها لأن رقمها حذفته من عندي والوصف برضو
نسيته عشان كذا احتفطي برقمها¿¿انا زهقت أبي شعري الاول يرجع¿¿¿
مر شهرين وانا تقريبا كل يوم أناظر رقم الفراده وأقول هانت كلها أيام وافرده
بعد كم يوم ((أحترقت شريحت جوالي))وأنا مخزنه كل الأرقام على البطاقه
وطارت الأرقام وطار الرقم
وحطيت اللوم على أمي ...قلت:يومني قايلتلك خليني أتصل عليها وأروح افرده
بس انتي الله يهديك تماطلينبي تقولين اذا فضيت بوديك..
أكذب عليكم اذا قلت لكم ماجتني "حالة ابوا لمعي"المهم
قالت امي:خلاص يابنت شعرتس معد له حل ارضي باالواقع
قلت :يمه انتم وماتحملتوا كشتي شلون ولد الناس بيتحملها¿¿¿¿
انا تحملت تنتيفكم بس هو ما أضني بتحمل تنتيفه
أقدر أنصب عليه وعلى أهله !!وأقول ان شعري ناعم واذا جا يشوفني هو وأهله
أروح استشور عرادتي عند كوفيره...
بس البلا بعدين تعرفين يمه أيام الزواج الأولى(باالذات)لازم الواحد يتروش
في اليوم كم مره
<<<من ضيقة الصدر كبة عشاها عند أمها ..
وحتى لو صار زوجي مطخطخ وجابلي كوفيره
<<تبطين
بيحت شعري كم مره بستشوره
المراد من ذا البربره:
الله يجزاكم خير اللي عندها حل لتنعيم الشعر ولأ فرد مره حلو
مب ذاك اللي يطلع مشصب
بليييييييييييز لاتبخلون به علي
واذا احد عنده ايميل (راقيه)اللي في ستار أكدمي3 ولأ ايميل(احلام)
ياليت تعطوني زمني أعرف وش قلب شعورهم...¿¿
((عاالعموم آسفه على الاطاله وآسفه اذا قلت أي كلمه.....
ما أستلطفتوها مني))

[زعيمه الدلع]

مشكووووووووورة على الموضوووع اتمنى ان تتقبلي مروووري

[قرارة جريش]

زعيمة شكلك رديتي وانتي اصلا ماقريتيش حاقه خخخخخخخخخخخخخخخخخخخخخخخخخخخخخخخخخخخخخ

والله يام العبيد الحل انس اذا روشتي شعرس وهو مبلول يعني لا تنشفينيه فهمتي ... افرقي ثلاث فرقات وكل فرقه لمي شعارتها ولويها مثل شعر لولو الصغيره وبعدين لفيها كعكه وخليه لين ينشف ... وبص

قريت هالطريقه بوحدة من هالمجلات ولك طحياطي

[البطه]

مشكوررره يالهكي

[عمشه بنت رمشه]

موضوعك حلو بس مضحك بصراحه
عادي خليه كير لي هذي الموضه