[SIZE="3"][COLOR="Blue"][CENTER]الاخ العزيز ابو ياسر>>>>>>> قصدي عكرمه
حاولت ان اكتب للك بعض ما سطرته الشاعره / عابرة سبيل (الله يرحمها)
لانني من أشد المعجبين بما تكتب من شعر
وحاولت ان انقل لك هذا الموضووووووووووع
امل ان يعجبك ويعجب بقية اعضاء برابيس >>> [COLOR="Red"]الادارة لالالا[/COLOR]
:showoff::showoff::showoff:
شف وش جبت لك¡¡ بعد التنسيق والتمحيق >> ساعه ينسق الموضوووع
حتى يخرج الموضوع بشكل يليق بمنتدانا العزيز (( برابيس )) >>> منتب عاقل
[/COLOR][/SIZE]
[align=center]
عابرة سبيل من منا لا يعرف هذا الاسم ¿
شاعرة كل الاذواق ومتعة الشعر النسائي الحقيقي ¡ عندما تقراء لها نصآ . تحس بقيمة الشعر الأنثوي ووقاره . ولما لهذه الشاعره من قاعده جماهيريه بحكم ما قدمته من شعر راق كان لابد من ان تكون في قلوبنا دائما .. ( سائلين الله ان يتغمدها بواسع رحمته )
بطاقة شخصية
تقول عن نفسها من خلال قصيدة لها عنونتها بالبطاقة الشخصية
[color=#00008B]
انا عجوز مطلقه وام ورعــــــــان = وايضا مدام وبنت وآنس وعانس
انا بدويه وعايشه عند حضـــران = وبنت البحر وابوي زارع وغارس
اميه ما تعرف حروف والــــــــوان = وتلميذه دشت جميع المدارس
ظفره وخبله¡عاقله¡ في نقصان = شرود وانطح لي ثمانين فارس
خلون.اعيش العابره دون عنوان = طيفٍ يمر بلا رقابه وحــــــــارس [/color]
هذه الشاعرة التي يسكنها الابداع وتنقله لنا في قالب شعري ولا اروع . لها فكر ممتع وافكار قلّما تجدها لدى اغلبية الشعراء ذكورا واناثا..
[color=#00008B]
ياكثر افكار ٍ توارد في مخيلتي = ياكثر ماصدها وكني ادللــــــها
لا وعذابي بليلي وعز قايلتي = الكل منهن تبي مني اسجلها [/color]
شاعره تحمل من الواقعيه والحكمه الشيء الكثير ¡ تكتب الواقع من الشعر وتعزف على وتر الحقيقه التي يتجنبها الاخرون .
[color=#00008B]
الناس سدادة سلف يوم الرخا باكر يضيــــــع = ما ابي اسوي حاجةٍ اصبح عليها نادمــــه
ابحث بقلب التجربه واخذ من احداث الجميع = عبره تساعدني على صدمات وقتٍ قادمه[/color]
تزهر عابرة سبيل كما تزهر الاوراق وتفوح رائحتها النديه مع كل قصيده او فكره تطرحها ..
[color=#00008B]
تدري حبيبي بطبعي حيل وتعرفه = العين بالعين والبادي هو الظــالم
ماني ورا العاطفه بالحيل منجرفه = طبعي على صد ردات الفعل والم [/color]
قمة الروعه والحفاظ على الذاتيه بكل اناقة ..
[color=#00008B]
ما يخالف ارحل بس لاترحل بعيــــد = ما يخالف اهجر بس خلك بداري
مايخالف اعشق الف عذرا من الغيد= مايخالف اجرح بس حاول تداري [/color]
وهنا توظيف المفرده وجودة في الطرح والفكره ¡ هنا دها شعري وروعه شعور ¡ هنا قدره على تغيير السائد والمفهوم ..
[color=#00008B]
هذاك لو قال الشتا صيف عرّقت = ولو قال صيفي برد شبيت ناري
هذاك لو قال الجمل طير صدّقت = اقول ريشه بعثرته الصحـــــــاري
هذاك لو قال المطر كذب وافقت = وادّور الاعذار حق الخبـــــــــــاري
هذاك لو قال القمر طاح صفقت = اقول مللته كثير المســـــــــــاري
هذاك لو قال النظر عيب دنقـت = يصيرلي كف على اللمس ضاري
هذاك لو ينفي وجودي توهقت = ما عاد ليّه [/color]حل غير انتحــــــــاري
لم تخلو قصائد عابرة سبيل من الطـــــــــــــــــــرافه رغم ما تحمله بقية قصائدها من حزن وعزف على وتر الوداع ..
تقول في احدى قصائدها :
[color=#00008B]
لي صاحبٍ منّه تبي تطلع الروح = خبل ومنهي مولعه فيه خبله
عامين المّح له مع الجد ومــزوح = واقول ياعنتر تناديك عبــــــــله
ومن البطا ناديت بالصوت يالــوح = مجروحه جرح مخاطره عجـــله
دنق وقال انا من العام مجـــــروح = واشّر لجرحٍ مبطي وسط رجله [/color]
وتعتبر هذه القصيده من اصدق واجمل ما كتبته عابرة سبيل ..
شقول له ¿
[color=#00008B]
باكر يجي ياشيب عيني من الويل = من عقب ما سافر سنين مديه
شقول له صاروا عيالي رجاجيـــــل = شقول له ماني بعهــــــــده وفيّه
ان قلت له اني تعذبت بالحيــــــــل = وان قلت له اكبر عيالي ســـميّه
يبي يعذرني ويترك القال والقيـــــل = ولا يجي ويّا زمـــــــــــــاني عليّه [/color]
وكان زوجها كلما خرجت من المستشفى يذبح ويولم للفقراء ¡ ولما اشتد بها المرض وشعرت بدنو الاجل قالت موصية زوجها هذه القصيدة ...
الوصيــة
[color=#00008B]تـرى الذبايـح وأهلهـا ماتسّلينـي = أنا أدري إن المرض لا يمكن علاجه
أدري تبي راحتي لا يابعـد عينـي = حرام ما قصّرت يديك فـي حاجـه
أخـذ وصاتـي وأمانـه لاتبّكينـي = لو كان لك خاطرٍ ما ودي أزعاجـه
أبيك في يديـك تشهدنـي وتسقينـي = أمانتك لا يجـي جسمـي بثلاجـه
لف الكفن في يديك وضف رجلينـي = ما غيرك أحدٍ كشف حسناه واحراجه
أبيك بالخيـر تذكرنـي وتطرينـي = يجيرني خالقي مـن نـار وهاجـه
سامح على اللي جرى ما بينك وبيني = أيام نمشـي عـدل وأيـام منعاجـه
همي عيالي وأنا اللي فـيْ كافينـي = علمهـم الديـن تفسيـره ومنهاجـه[/color]
رحمك الله ياعابرة سبيل¡ فقد كنت نموذجا رائعا للشعر .. للشاعرات .. وللمتعه الشعريه !![/align][align=center]هذه [/align][align=center][color=#008000]
أتمنى ان تنال أعجابكم....
لكم أجمل تحية ¡¡¡¡[/color][/align][/CENTER]
ابوياسر
-
اميرة الورد
- مشاركات: 691
- اشترك في: الأحد أغسطس 12, 2007 2:48 pm