طبعاً روحتنا كلها ثلاثة أيام لأن النفرة محد يتحمله أكثر من كذا الا ام نفرة " دارسة برا " ....وزيادة على كذا انه لازم يسبح ومايعرف يسبح الا بطشت ...واستحينا ندخلبه الفندق ....
الزبدة " ليوبارك " يازعبور انطم وعطنا القصة ......
عقب هلكة الطق والمستشفى نمت ليلتي الاخيرة بالفندق ..واقوم تسع ادور ابو نفرة ولا القاه قلت يمكن يدور تحت ..اسمه من جينا وهو يلعب بالاصاصيرات والا بالجرس حق الرسبشن ...واجلس في البلكونه اتقهوى...مادريت الا اللي ينظفون يدخلون علي الساعة عشر الصبح شايلين ابو نفرة وفي خشته وطية كفر ....
افا وش السالفة .....اثر العم ابو نفرة قام الساعة 7 الصبح ولقط فوطة من فوط الفندق وراح يدور محل تميس بيجيب خبز وفول ....وهو طالع من الفندق ..مسوي لي فيها مصري تعلق في باصاتهم البيض بيركب معهم ...سمعهم ينادون التحرير - وسط البلد...قال بس زي الديره عندنا والشميسي اكيد كلها فوالين ومخابز
ركب معهم وراح وسط البلد ...طبعا كل ماوقف الباص يشيل احد نشده يااسطه دي وسط البلد...ياباشا هل هي قريبتن من هنا " يقال له مصري سيبويه "
يوم وصلوا وسط البلد قالوا له وصلنا ...انزل يابيه ...
ابو الشباب وهو نازل نشبت الفوطة في الباب وسحبو خشته على الزفلت المعفن حق المصارية ...يحلفون كراعينه تلخ في السيارات اللي جنب الباص ...والمتخلف مافك الفوطة يقول حقت الفندق اخاف ياخذون دراهمها منا ...الين انفكت يوم وقف الباص ينزل ركاب في العتبة ....
طبعا ابو نفرة بين الوطيات والدمان اللي في ركبه وكراعينة أغمي عليه شوي ....ورحمه الله انه دايم يشيل بصل في مخباته ...عشان كل ماجاء ياكل شيء ياكل بصل قبل لأنهم محرصينه ياكل بصل عشان مايعورة بطنه ...لقوا المصارية البصل بمخباته " يحسبونه مدمن بصل وداخ مبطي عنه " شمموه المصاريه البصل .لين صحى ونشدوه وين اهله واشر على خشمي " اشوا انا وقتها كنت واقف في البلكونه "..ركبوه تاكسي وقالوا اتبع المجسم اللي هناك دول اهله ......لين دخلوه علي الغرفة
الحمد لله على السلامة والله يابو نفرة قايم من الشر ...مير ريح لك شوي ورانا رحلة المغرب ....قال لا تكفى لازم اروح للسوق ...قلت وش سوقه ....قال فيه سوق اسمه كنداسة " وين الصناعية " قلت له كرداسة ....قال مدري حق صراويل قطن وجلابيات ....
ونطلع انا وياه لكرداسة .....ويعبي جلابيات الوان ...الذوق نعمه ....كنها اباجورات مهيب جلابيات ....واناظر الساعة الينها 2 ....وطيران عالفندق ناخذ الشناط ومنها للمطار .......
المطار طبعا ماكان فيها زود الا انه يوم ختمنا الجوازات بنروح للطيارة يحزبنا وصلنا ..""" مدري رايحين مشي "
ووصلنا للرياض بسلامة الله ....وجلسنا نحتري الشناط ...واقول له خلنا ناخذ هندي على الاقل يشيل شنطتك حقت الجلابيات " كنها تانكي موية " قال لا ياعمي انا نفر البرمبة
وعقب ساعة وصلت الشنطة ...السير يالله يمشي بسبتها ....وتعلق فيها ابونفرة بشيلها وتسحبه على السير ماعاد تشوف الا عصاقيلة تلخلخ في الركاب ....
واسمحوا لي اعترف لكم اعتراف """تراه مايحقر نفسه ابد " يتعلق في الفوطة ولا يفكها ويتعلق في الشنطة ولا يفكها لو تشقق خشته >>>> مدري من الحمار اللي مفهمه المباديء غلط ¿¿
جروه الهنود بالشنطة ...لدرجة انه لزق فيها ودخلناه معها جهاز التفتيش ..
لين طلعنا وركبنا انا وياه موتر تكسي والشنطة بتاكسي
والحمدلله على سلامتنا نورنا مصر وكل سنة وانت طيب يابية
ومافية تو بي كونكورد
نفرة وزعبوووووووووووووووووور في كايرو3 والاخيرة
-
السيده ملعقه
- مشاركات: 318
- اشترك في: الثلاثاء يوليو 24, 2007 6:22 pm
[align=center]هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
تراه مهوووووووووب يسوق الهونداااي >> متعلق في الدريكسووووووووون
مايدري الا هو والنفره الصغنوون في طعوووس العاذريه
والا شاليهات البندر
عاد خبرك في التحول المفاجئ من الاكسنت الى الليننننكون
صار تمسك على عمره والا يصيف بالطايف
عمووووووووووووووووووومن الف الف الف الف الف الف شكر على القصه
الحلوووووووووووووووه
دائما مبدع ومشووووووووووووق [/align]
تراه مهوووووووووب يسوق الهونداااي >> متعلق في الدريكسووووووووون
مايدري الا هو والنفره الصغنوون في طعوووس العاذريه
والا شاليهات البندر
عاد خبرك في التحول المفاجئ من الاكسنت الى الليننننكون
صار تمسك على عمره والا يصيف بالطايف
عمووووووووووووووووووومن الف الف الف الف الف الف شكر على القصه
الحلوووووووووووووووه
دائما مبدع ومشووووووووووووق [/align]