مرسل: الخميس أغسطس 09, 2007 12:43 am
جالس في امان الله في الملحق كالعادة ..... اناظر الرسايل اللي جايه وكلها فواتير للباشا ...اللي يسمع صجته عالرسايل يقول هذا بيربي حمام زاجل من زود الحرص عليها وكلها فواتير حصيصة وشلتها ...
المهم وادخل علي ذاك الجنتل ...الشعر اشقر فلافل وحالق الشنب ....قلت وين جاني هالبرازيلي منه ......بس ماش اللبس مهوب يم جاده ...لابس صروال ابيض وفنيلة رياضة وكرفته .... قال هاي ......... وأدقق في الخشة ...الا حبيب الكل ابو نفرة ...قلت وش عندك يالفرنسي ...قال قم يالحبيب ايام قوينق كايرو مئك ....قلت يالحبيب القاهرة مصريين عرب زينا مهوب لازم تصير تتكلم انجليزي ....
الرجال جاهز وشاري التذاكر ..وجايب معه فنايل وصراويل في كيس ...نقزنا للمطار مع السواق ( عيال نعمه عندنا سواق ) طبعا معاناة لين وصلنا ...بعذر امي تلبس خوذة لين جت تروح معه ...
وصلنا المطار ...خلصنا التذاكر والجوازات ....طبعا ابو نفرة امتحن حق الخطوط يحسب ارقام الكراسي كلها واحد ...كل ماعطاه الكرت قال ليه زعبور غير ¿¿¿ بعد شيل وحط مع الجوازات ...قعدوا ساعة يبون يطبقون جوازي يقولون وخر اللي لابسة في وجهك وانا افهمه انه خشمي ومعيي يفهم لين شافني اطلع الجواز من الشنطة لأني احطه مفتوح ماينصك طبعاً ...."بدون ضحك يا..."
اقلعنا والنفرة جنبي يطامر ...ويطلطل ....إلا فيه سؤال ليه لين ركب الواحد الطيارة كل اللي قاعدين على الممر يطلون عاللي يدخلون الطيارة سسنهم غصب يعرفون الركاب كلهم ولا يعدونهم ¿¿¿ اكيد اللي عالممر قصمان " لقافة يعني " ...رحنا فيها
طبعا النفرة يسال المضيف عساكم معبين بنزين ومغيرين زيت ...متعود عالددسن ...اقلعنا شوي ومغير تسدد اذاننا وابو نفرة جزاه الله خير يساعدني اسد خشيمي واتفخ عشان يروح السدد ...كلها ساعتين خربنا تلفزيونهم وكسرنا درج الاكل ...وخلصنا الرز لأن ابو نفرة كل شوي يعطي المضيفة الصحن ويقول يو آر انسبي لي رايس مور ...متعود عالبخاري وانجليزي منفوحة ...غصب يحسي انجليزي
وصلنا القاهرة قعدنا ساعة ملطوعين قالوا انتم شبهه هالخشة المايلة والخشم الصغير ¿¿¿ ياحبي لي فلبيني ¿¿¿ ماتجي الا على مجرمين ....
افرجوا عنا وانطلقنا بين هالتكاسي ...تكسي يابيه ...نورت يافندم ....والنفرة على باله يقول لهم نو مي قو كار فرند هوتيل .....ذا الفرنسي فاهم غلط ....
ركبنا مع التكسي اللي يحترينا ...وهبل بنا صار معاق كنه كيماوي مايدري وين الله حاطة نقول له رح الشيراتون ( قايلكم عيال نعمه ) ودانا لكل فنادق مصر الا الشيراتون ...لين وصلنا الفندق بعد اربع ساعات من الدوران .....
خذنا الغرفة وانطلقنا للهرم على بالنا سياح ....النفرة من يوم وصلنا لبسوه غترة برتقالية وركبوه بعير على بالهم سايح فرنسي خصوصا يوم شافوه معلق كاميرا فلورايد القديمة في رقبته كنها تلفزيون جارتن خشته تحت وراحوا يدورون به بالاهرامات ...وانا الصعايدة اللي في الهرم والسياح قاموا يلاحقوني ...الحق يابوي ....خشم ابو الهول المسروق في وش الراجل اللي هناك ...الحقئوه يارقاله ....وانا احاول اشرح لهم ياباشا افهم ياحبيبي انا سعودي ...يابشمهندس دي مناخيري ...ابد
تعنقطوا في خشمي ....يبون يفكونه الين اقتنعوا انه مهوب حق ابو الهول ....ماتسمع الا سبحان الله يخلق من الشبه اربعين ....وانا في هالزحمة والنكد الا ابو نفرة يطل جايك من بعيد ...وساري بذالبعير على باله سايح ...والابتسامه تملأ وجهه وشفتيه ...
والقطة سريع سريع للفندق .....واشيك على خشيمي في الفندق الامور تمام ......ونمنا ليلتنا الأولى . على نيل مصر ارض الكنانه ....وفي بالنا من بكره نروح للحسين ....
وفي الحسين ......للقصة بقية .....النفرة جنبي يقول اكتب تو بي كونكورد ....قصده كونتينيود ...قايل لكم فرنسي
المهم وادخل علي ذاك الجنتل ...الشعر اشقر فلافل وحالق الشنب ....قلت وين جاني هالبرازيلي منه ......بس ماش اللبس مهوب يم جاده ...لابس صروال ابيض وفنيلة رياضة وكرفته .... قال هاي ......... وأدقق في الخشة ...الا حبيب الكل ابو نفرة ...قلت وش عندك يالفرنسي ...قال قم يالحبيب ايام قوينق كايرو مئك ....قلت يالحبيب القاهرة مصريين عرب زينا مهوب لازم تصير تتكلم انجليزي ....
الرجال جاهز وشاري التذاكر ..وجايب معه فنايل وصراويل في كيس ...نقزنا للمطار مع السواق ( عيال نعمه عندنا سواق ) طبعا معاناة لين وصلنا ...بعذر امي تلبس خوذة لين جت تروح معه ...
وصلنا المطار ...خلصنا التذاكر والجوازات ....طبعا ابو نفرة امتحن حق الخطوط يحسب ارقام الكراسي كلها واحد ...كل ماعطاه الكرت قال ليه زعبور غير ¿¿¿ بعد شيل وحط مع الجوازات ...قعدوا ساعة يبون يطبقون جوازي يقولون وخر اللي لابسة في وجهك وانا افهمه انه خشمي ومعيي يفهم لين شافني اطلع الجواز من الشنطة لأني احطه مفتوح ماينصك طبعاً ...."بدون ضحك يا..."
اقلعنا والنفرة جنبي يطامر ...ويطلطل ....إلا فيه سؤال ليه لين ركب الواحد الطيارة كل اللي قاعدين على الممر يطلون عاللي يدخلون الطيارة سسنهم غصب يعرفون الركاب كلهم ولا يعدونهم ¿¿¿ اكيد اللي عالممر قصمان " لقافة يعني " ...رحنا فيها
طبعا النفرة يسال المضيف عساكم معبين بنزين ومغيرين زيت ...متعود عالددسن ...اقلعنا شوي ومغير تسدد اذاننا وابو نفرة جزاه الله خير يساعدني اسد خشيمي واتفخ عشان يروح السدد ...كلها ساعتين خربنا تلفزيونهم وكسرنا درج الاكل ...وخلصنا الرز لأن ابو نفرة كل شوي يعطي المضيفة الصحن ويقول يو آر انسبي لي رايس مور ...متعود عالبخاري وانجليزي منفوحة ...غصب يحسي انجليزي
وصلنا القاهرة قعدنا ساعة ملطوعين قالوا انتم شبهه هالخشة المايلة والخشم الصغير ¿¿¿ ياحبي لي فلبيني ¿¿¿ ماتجي الا على مجرمين ....
افرجوا عنا وانطلقنا بين هالتكاسي ...تكسي يابيه ...نورت يافندم ....والنفرة على باله يقول لهم نو مي قو كار فرند هوتيل .....ذا الفرنسي فاهم غلط ....
ركبنا مع التكسي اللي يحترينا ...وهبل بنا صار معاق كنه كيماوي مايدري وين الله حاطة نقول له رح الشيراتون ( قايلكم عيال نعمه ) ودانا لكل فنادق مصر الا الشيراتون ...لين وصلنا الفندق بعد اربع ساعات من الدوران .....
خذنا الغرفة وانطلقنا للهرم على بالنا سياح ....النفرة من يوم وصلنا لبسوه غترة برتقالية وركبوه بعير على بالهم سايح فرنسي خصوصا يوم شافوه معلق كاميرا فلورايد القديمة في رقبته كنها تلفزيون جارتن خشته تحت وراحوا يدورون به بالاهرامات ...وانا الصعايدة اللي في الهرم والسياح قاموا يلاحقوني ...الحق يابوي ....خشم ابو الهول المسروق في وش الراجل اللي هناك ...الحقئوه يارقاله ....وانا احاول اشرح لهم ياباشا افهم ياحبيبي انا سعودي ...يابشمهندس دي مناخيري ...ابد
تعنقطوا في خشمي ....يبون يفكونه الين اقتنعوا انه مهوب حق ابو الهول ....ماتسمع الا سبحان الله يخلق من الشبه اربعين ....وانا في هالزحمة والنكد الا ابو نفرة يطل جايك من بعيد ...وساري بذالبعير على باله سايح ...والابتسامه تملأ وجهه وشفتيه ...
والقطة سريع سريع للفندق .....واشيك على خشيمي في الفندق الامور تمام ......ونمنا ليلتنا الأولى . على نيل مصر ارض الكنانه ....وفي بالنا من بكره نروح للحسين ....
وفي الحسين ......للقصة بقية .....النفرة جنبي يقول اكتب تو بي كونكورد ....قصده كونتينيود ...قايل لكم فرنسي