مرسل: الأربعاء سبتمبر 03, 2008 5:17 pm
اليوم جبنا لكم قصه عن غلا المهور والتشرط بالزواجات بزمنات كانو عم بيدورو الرجل اليوم لا والله بيشفو كم عند الرجل يعني الرجل مو مهم اهم شي الي عنده اقول:la: على العموم نبدى القصه
يقول الراوي يا ساده يا كرام
7
7
7
7
هذا واحد من الناس جاء من قرية وعاش في مدينة ولد فلاليح ما شاء الله عليه جسمه ضخم وكبير أول ما جاء
يشتغل في الاعمال الثقيلة كان قبل يبيع ويشتري وتعلم الصنعه وراح اشتغل لين صار مساعد ميكانيكي ودايم ينزل
حديد ويشيل حديد ويديه في الديزل والبنزين وتنظيف الحديد إلين صار كل شي فيه خشن يديه حرش ورجليه وهو
بعد ما عليه مسحه جمال بالحيل مرة لكنه رجال ذرب ( هذا أهم شي , الجمال جمال الروح !! هذي حيلة العاجز ) .
عاد تقدم به السن شوي وهو كل ما حصل من خير روحه لأهله إلين طالت المدة عليه وما تزوج ما كتب الله له
عرس ومضت عليه سنين أول ما عنده نيه يتزوج يقول ابصبر كان ناوي يتزوج من أقاربه أو من بنات عمه ولا
كتب الله شي وكبر الحاصل طولت المسأله معه وكبر بالحيل صار عمره حول الاربعين ما تزوج وفي هذا السن كل
ما بغى يتقدم لأحد قالوا والله كبير ما يصلح ما عاد بغاه أحد (هاه هذا ياعيال اذا قنا لكم تزوجو بدري نخاف
يحصل لكم ما حصل الولد هالاجواد ) وإلى عنده بيت فيه كل شي من الاثاث ومن لوازم البيت معاميل ومراكي
وفرشة وزل وإلى جاء أيام العيد يكشخ ويلبس مجلد وفرد حاطه معه للزينه ولا هو مهوب راعي مشاكل ولا شي .
عاد له رفيق حليل و شيطاني دايم يوكله مقالب وهو واياه يسوون مقالب وضحك على بعض فمرة من المرات قال
له أنت يوم أن كبرت وتقدم بك السن ليه ما تتزوج باكر يجيك عيال ويذكرونك بهم قال على يدك أنا لاقي احد قال
رفيقه هو لازم تتزوج بكر¿¿ قال لا قال فيه وحدة هنا ميت زوجها وعندها بيت وأنا ما أدري البيت لها أو لزوجها
اصبر خلنا نشوف قال البيت ما همني بس هي حرمة قال أبد حرمة سنعة عاد هو يحب الحريم الراهيات وخاصة اذا
كانت مليانة ومعزله ..
المهم يالربع ما لكم بطويله راحوا يدورون يمين ويسار الين لقوا لهم وحدة عمرها 38 أو أنها داخله الأربعين بعد
بشوي ولها بنتين كبار وحدة منهن معرسة والثانية صغيرة ولها بعد ولدين هذولا عيالها من المرحوم المهم رفيقه
راح وكلمهم وقالت ما يخالف ونبي نشوفه قيبل قال طيب إلى جاء العصر حاولوا تمرون عند السوق وأنا أبجيبه
معي , وفعلاَ جابه ووقفه وقاله شفها هذيك اللي تمشي عليها عباة شاف يدها وشاف ذرعانها وشاف ممشاها وجازت
له ( الله يخلف عليه لوله من عيال الحين كان ما يرضى يشوفها ويتمقل فيها إلا وهو مرتز في المجلس ) قال توكل
على الله وكلمهم راح وخطبها له وقالت له ما يصير إلا خير ورجع له بسرعة وقال له ترا كلمتهم وموافقة بس أنت
وش عندك من الجهاز اللي بتدفع لها قال ما عندي شي حاضر إلا في يدي قال له بع كل اللي عندك هالزل والمراكي
والدلال والفرد كلهم بعهم وبيرزقك الله غيرهم بعهم بس وخلهم مع الجهاز يبي لك عزيمة وذبايح وبتعزم ربعك .
المهم راح وباع المراكي والدلال والقش والفرد باعه وكل شي وراح تقدموا لها يوم تقدم لها وجاب الجهاز قالت
وش اللي أنت جايب قال هذا اللي هو يقدر عليه وأنتي وش تبين بعد احمدي الله أن حنا لقينا لك رجال يدخل ويظهر
عليكم ويوسع صدوركم ويحفظ العيال قالت والعيال ضايعين ما ضاعوا العيال عسى الله يخلي لهم عمانهم وأهلهم
قال هو يبي يأخذك ويوسع صدرك ورجال بدال ما تقعدين لحالك قالت قم بس شل قشك ابي بيت يحطه لي وأبي كذا
وكذا ( والله لوها أم خمس طعش كان ما تشرط هالتشرط ) وإلى توها طالعه السيارات قالت وأبي سيارة تجيبني
وتروح بي وحاول معها انها تخفض من هالشروط وقالت : أبد وراح عاد علمه بالكلام هذا ويوم شاف المسألة
مهيب في يده ما يقدر على هذا وفي النهاية هون ( احسن الله يعوضه بالحور العين الزين من هالعجوز )
عاد هالقصه يا اخوان تذكرنا بقصيدة بنفس الطريقة ونفس الترتيب وهي لشاعر فيصل بن عبدالله بن لذيذ الرويلي الله
يرحمه ويقول في القصيدة ..
قـال الرويلـي بـادي بالجذيـبـة
أبديت من جاش الحشا ما طرا لـي
ومصيبتي يا ويهـا مـن مصيبـة
البيت من بعض المصاريف خالـي
ويقال خذ لك يا الرويلـي حبيبـة
يقولها اللي ما درى ويـش حالـي
وأنا معاشي كل ما رحـت أجيبـه
ثلث أجـار وثلـث قطـة كمالـي
وثلث على عيون الرجال اكتسي به
وأدرج الأيـام تدريجـهـا لــي
قاموا يقولون العـرب فيـه ريبـه
أظن مابه من مثـل مـا بالرجالـي
وهميت ابعرس في ليالـي قريبـة
وبعت المراكي والنجـر والدلالـي
والفرد بعته قايل ويـش أبـي بـه
وبيعت كل الفرش وأحصيت مالـي
وحصلت مقدار العجـوز المشيبـة
خمسمية تنقـص قميـن الريالـي
وأرسلت من يخطب عجوز هليبـه
حدبا كما قـوس حناهـا الشمالـي
رقبا وعضبا والرجل بـه خشيبـة
وحتى حنكها صاير بـه ميـا لـي
وجاب الخبر منه فـرى الله جيبـه
تطلب ثلاث بشوت والشـئ غالـي
مع دوشق ضمنـه شرايـا تعيبـه
منهن شراشيـف وطاقـه شيالـي
وأربع ذبأيح وألف نقـد ضريبـة
وأربع طوايـق واللواحيـق تالـي
وما يلحق الظيفة وما يعتنـي بـه
حتى الحطب مـا عندنـا للدلالـي
ومن عرض ما قالت أمور عجيبـة
كسوة بناتي قبـل كسـوة عيالـي
وتقول أبي موتر وأبي لـه جنيبـة
لا بنشـر الموتـر إلـى ذا قبالـي
وبيت كبيـر واسـع نهتنـي بـه
حول المطـار بمجرهـد السهالـي
ومنظم بالكهربـاء وتخضـي بـه
لونه خضـر ومزخـرف بالكمالـي
قلت استخرنا ذي شـروط صعيبـة
ما عاد نبـي العـرس دب اليالـي
يا حيسفا يا فـرد ياللـي غديبـة
نمر الثمـان وبـه فرايـد كيالـي
من صنعته ما غير خمس رمي بـه
يوم اشتريـه مجربـه يـا حلالـي
نقلـه معـزة والليـالـي بغيـبـة
ما تنومن صدفـات سمـر الليالـي
يا حيسفا ذيـك المراكـي دويبـه
وعشر الدلال ونجرهن والزوالـي
راحت علي سبة عجـوز غضيبـة
مجنونـة غبـرا عليهـا ظـلالـي
للي خطبهـا لـي ثمانيـن خيبـة
لعل ما لـه عنـد ربـي سوالـي
قعودي عزب أبرك وهي ويش أبيبه
اخير وأبرك مـن عجـوز تلالـي
البنت مـا عنـدي سيـاق ينيبـه
الموجب أن الكف مـا بـه نوالـي
قد لي ثمان سنين وأربـع قطيبـة
ازهم ولا بـه مـن يـورد حبالـي
والذيـب لامنـه تزايـد قنيـبـة
يعوي له الثاني على راس عالـي
وإلا فأنـا حظـي تـرادا نصيبـة
إلا أن شـاء الله عزيـز الجلالـي
صلوا عدد نبت الفيـاض العشيبـة
وأعداد ما يذرى الهـواء بالشالـي
على رسـول خيـر نقتـدي بـه
وضح لنا السنة وضـوح العدالـي
توته توته انتة الحدوده يعني خلاصة وملاصة وجا الديك ونمصة :dan1:
ودي بارائكم وتفاعلكم مع هذا الموضوع بجد:eeh:
وان شاءالله عجبتكم القصه ويالقصيده:bngo9:
يقول الراوي يا ساده يا كرام
7
7
7
7
هذا واحد من الناس جاء من قرية وعاش في مدينة ولد فلاليح ما شاء الله عليه جسمه ضخم وكبير أول ما جاء
يشتغل في الاعمال الثقيلة كان قبل يبيع ويشتري وتعلم الصنعه وراح اشتغل لين صار مساعد ميكانيكي ودايم ينزل
حديد ويشيل حديد ويديه في الديزل والبنزين وتنظيف الحديد إلين صار كل شي فيه خشن يديه حرش ورجليه وهو
بعد ما عليه مسحه جمال بالحيل مرة لكنه رجال ذرب ( هذا أهم شي , الجمال جمال الروح !! هذي حيلة العاجز ) .
عاد تقدم به السن شوي وهو كل ما حصل من خير روحه لأهله إلين طالت المدة عليه وما تزوج ما كتب الله له
عرس ومضت عليه سنين أول ما عنده نيه يتزوج يقول ابصبر كان ناوي يتزوج من أقاربه أو من بنات عمه ولا
كتب الله شي وكبر الحاصل طولت المسأله معه وكبر بالحيل صار عمره حول الاربعين ما تزوج وفي هذا السن كل
ما بغى يتقدم لأحد قالوا والله كبير ما يصلح ما عاد بغاه أحد (هاه هذا ياعيال اذا قنا لكم تزوجو بدري نخاف
يحصل لكم ما حصل الولد هالاجواد ) وإلى عنده بيت فيه كل شي من الاثاث ومن لوازم البيت معاميل ومراكي
وفرشة وزل وإلى جاء أيام العيد يكشخ ويلبس مجلد وفرد حاطه معه للزينه ولا هو مهوب راعي مشاكل ولا شي .
عاد له رفيق حليل و شيطاني دايم يوكله مقالب وهو واياه يسوون مقالب وضحك على بعض فمرة من المرات قال
له أنت يوم أن كبرت وتقدم بك السن ليه ما تتزوج باكر يجيك عيال ويذكرونك بهم قال على يدك أنا لاقي احد قال
رفيقه هو لازم تتزوج بكر¿¿ قال لا قال فيه وحدة هنا ميت زوجها وعندها بيت وأنا ما أدري البيت لها أو لزوجها
اصبر خلنا نشوف قال البيت ما همني بس هي حرمة قال أبد حرمة سنعة عاد هو يحب الحريم الراهيات وخاصة اذا
كانت مليانة ومعزله ..
المهم يالربع ما لكم بطويله راحوا يدورون يمين ويسار الين لقوا لهم وحدة عمرها 38 أو أنها داخله الأربعين بعد
بشوي ولها بنتين كبار وحدة منهن معرسة والثانية صغيرة ولها بعد ولدين هذولا عيالها من المرحوم المهم رفيقه
راح وكلمهم وقالت ما يخالف ونبي نشوفه قيبل قال طيب إلى جاء العصر حاولوا تمرون عند السوق وأنا أبجيبه
معي , وفعلاَ جابه ووقفه وقاله شفها هذيك اللي تمشي عليها عباة شاف يدها وشاف ذرعانها وشاف ممشاها وجازت
له ( الله يخلف عليه لوله من عيال الحين كان ما يرضى يشوفها ويتمقل فيها إلا وهو مرتز في المجلس ) قال توكل
على الله وكلمهم راح وخطبها له وقالت له ما يصير إلا خير ورجع له بسرعة وقال له ترا كلمتهم وموافقة بس أنت
وش عندك من الجهاز اللي بتدفع لها قال ما عندي شي حاضر إلا في يدي قال له بع كل اللي عندك هالزل والمراكي
والدلال والفرد كلهم بعهم وبيرزقك الله غيرهم بعهم بس وخلهم مع الجهاز يبي لك عزيمة وذبايح وبتعزم ربعك .
المهم راح وباع المراكي والدلال والقش والفرد باعه وكل شي وراح تقدموا لها يوم تقدم لها وجاب الجهاز قالت
وش اللي أنت جايب قال هذا اللي هو يقدر عليه وأنتي وش تبين بعد احمدي الله أن حنا لقينا لك رجال يدخل ويظهر
عليكم ويوسع صدوركم ويحفظ العيال قالت والعيال ضايعين ما ضاعوا العيال عسى الله يخلي لهم عمانهم وأهلهم
قال هو يبي يأخذك ويوسع صدرك ورجال بدال ما تقعدين لحالك قالت قم بس شل قشك ابي بيت يحطه لي وأبي كذا
وكذا ( والله لوها أم خمس طعش كان ما تشرط هالتشرط ) وإلى توها طالعه السيارات قالت وأبي سيارة تجيبني
وتروح بي وحاول معها انها تخفض من هالشروط وقالت : أبد وراح عاد علمه بالكلام هذا ويوم شاف المسألة
مهيب في يده ما يقدر على هذا وفي النهاية هون ( احسن الله يعوضه بالحور العين الزين من هالعجوز )
عاد هالقصه يا اخوان تذكرنا بقصيدة بنفس الطريقة ونفس الترتيب وهي لشاعر فيصل بن عبدالله بن لذيذ الرويلي الله
يرحمه ويقول في القصيدة ..
قـال الرويلـي بـادي بالجذيـبـة
أبديت من جاش الحشا ما طرا لـي
ومصيبتي يا ويهـا مـن مصيبـة
البيت من بعض المصاريف خالـي
ويقال خذ لك يا الرويلـي حبيبـة
يقولها اللي ما درى ويـش حالـي
وأنا معاشي كل ما رحـت أجيبـه
ثلث أجـار وثلـث قطـة كمالـي
وثلث على عيون الرجال اكتسي به
وأدرج الأيـام تدريجـهـا لــي
قاموا يقولون العـرب فيـه ريبـه
أظن مابه من مثـل مـا بالرجالـي
وهميت ابعرس في ليالـي قريبـة
وبعت المراكي والنجـر والدلالـي
والفرد بعته قايل ويـش أبـي بـه
وبيعت كل الفرش وأحصيت مالـي
وحصلت مقدار العجـوز المشيبـة
خمسمية تنقـص قميـن الريالـي
وأرسلت من يخطب عجوز هليبـه
حدبا كما قـوس حناهـا الشمالـي
رقبا وعضبا والرجل بـه خشيبـة
وحتى حنكها صاير بـه ميـا لـي
وجاب الخبر منه فـرى الله جيبـه
تطلب ثلاث بشوت والشـئ غالـي
مع دوشق ضمنـه شرايـا تعيبـه
منهن شراشيـف وطاقـه شيالـي
وأربع ذبأيح وألف نقـد ضريبـة
وأربع طوايـق واللواحيـق تالـي
وما يلحق الظيفة وما يعتنـي بـه
حتى الحطب مـا عندنـا للدلالـي
ومن عرض ما قالت أمور عجيبـة
كسوة بناتي قبـل كسـوة عيالـي
وتقول أبي موتر وأبي لـه جنيبـة
لا بنشـر الموتـر إلـى ذا قبالـي
وبيت كبيـر واسـع نهتنـي بـه
حول المطـار بمجرهـد السهالـي
ومنظم بالكهربـاء وتخضـي بـه
لونه خضـر ومزخـرف بالكمالـي
قلت استخرنا ذي شـروط صعيبـة
ما عاد نبـي العـرس دب اليالـي
يا حيسفا يا فـرد ياللـي غديبـة
نمر الثمـان وبـه فرايـد كيالـي
من صنعته ما غير خمس رمي بـه
يوم اشتريـه مجربـه يـا حلالـي
نقلـه معـزة والليـالـي بغيـبـة
ما تنومن صدفـات سمـر الليالـي
يا حيسفا ذيـك المراكـي دويبـه
وعشر الدلال ونجرهن والزوالـي
راحت علي سبة عجـوز غضيبـة
مجنونـة غبـرا عليهـا ظـلالـي
للي خطبهـا لـي ثمانيـن خيبـة
لعل ما لـه عنـد ربـي سوالـي
قعودي عزب أبرك وهي ويش أبيبه
اخير وأبرك مـن عجـوز تلالـي
البنت مـا عنـدي سيـاق ينيبـه
الموجب أن الكف مـا بـه نوالـي
قد لي ثمان سنين وأربـع قطيبـة
ازهم ولا بـه مـن يـورد حبالـي
والذيـب لامنـه تزايـد قنيـبـة
يعوي له الثاني على راس عالـي
وإلا فأنـا حظـي تـرادا نصيبـة
إلا أن شـاء الله عزيـز الجلالـي
صلوا عدد نبت الفيـاض العشيبـة
وأعداد ما يذرى الهـواء بالشالـي
على رسـول خيـر نقتـدي بـه
وضح لنا السنة وضـوح العدالـي
توته توته انتة الحدوده يعني خلاصة وملاصة وجا الديك ونمصة :dan1:
ودي بارائكم وتفاعلكم مع هذا الموضوع بجد:eeh:
وان شاءالله عجبتكم القصه ويالقصيده:bngo9: