منتديات برابيس

السلام عليكم ,,,

ترى ذا اول موضوع لي فيذا ومستحي <~~ تكفى ياللي لك غيرها كلها ردود ماصله وتخب ....

المهم ... يعتبر عبدالرحمن بن مساعد شاعري الأول ... بس يوم صار رئيس الهلال باشوف ان تسانه استمر محترم باستمر احب شعره وان تسانه تمادى علينا باقطع كل اشرطيته وصوره <---------- يا مصلي حسيت اني لبنى عبدالعزيز في فيلم الوساده الخاليه .

وكما هو معروف عني مافيه موضوع جد الا اقلبه ماصل زي وجهي بس هالحين الله الله عل جد ....


هذي أعتقد من أجدد قصايده وبصراحه أعجبتني ... هو سماها مشاهد ... لكن انا اقول انها ... مقاطع تشخص الواقع ... وخصوصا آخر جزئيه .

أتمنى من الأخوه المشرفين اذا كانت مكرره أو ما عجبتهم يشوتونها برا ... واذا أعجبتهم ياليت الكل يستفيد منها .............. وشكرا

وبجد يا مصلي هي هي هي
دووكم اياااهاااا ....ودي اقول لايلك بس اخاف امصل زود







المشهد الاول

وحدة مزيونة بالحيل.......و حبيبة ...
بس تخون!!!!
وش اسوي بجمالها¿¿
بياخذها الزمان و تبقى عجوز.....
عادي........طاح الحطب.......... و حلوة الحياة


المشهد الثاني
ملتزم ......
يصلي كل الفروض........
و اذا تعب..... فوت صلاة الفجر
واذا شبع راحت صلاة العصر ......
و عنده دش.......و يكذب كثير
و اذا صحى الصبح ......مشط اللحية
عادي........طاح الحطب.......... و حلوة الحياة



المشهد ال ثالث

غني و ظالم .........
يطرد المساكين......و يستغل الضعوف
مغرور و فاسق......
و مجلسه عامر ........
كلٍ يبهر له........
و مع ذلك يجمع حسنات.......من كثر اللي يسبونه
عادي........طاح الحطب.......... و حلوة الحياة


المشهد الرابع
يكد يدرس و يشتغل.........
لاجل يبني مستقبله.......
تزوج و جاب عيال......ثم تقاعد
صار يسكن في مكان.....و أم عياله في مكان
والسبب العيال......
صار دار المسنين بيتهم............
عادي........طاح الحطب.......... و حلوة الحياة



المشهد الخامس
تغازل و تاخذ ارقام...........
و تطلع مع هذا.....و تواعد هذاك........
و يوم طاح الفاس في الراس.......
بكت ........
و راحت تشكي لامها غدر الزمان.......
طبطبت عليها امها وقالت:
ولا يهمك ......سفرة لمصر.... وشوية سيولة
و ترجعين بنت......
عادي........طاح الحطب.......... و حلوة الحياة

المشهد السادس
مرفوع الكفن أبيض ........
وصاحبه وسط البياض.........
بعضهم يبكي.......و بعضهم عادي
دفنوه.....و تبكبكوا شوي
و اخر الليل سكارى.........
عادي........طاح الحطب.......... و حلوة الحياة



المشهد السابع
سيارة مسرعة ........
و تدعس لها واحد........
مسكين هندي..........
و العسكري صديق الطايش ........
والخطا نصه على الهندي......
والباقي على أبو الطايش ...........
و في الليل.....الطايش يلعب بلوت
عادي........طاح الحطب.......... و حلوة الحياة

المشهد الثامن
قارورة مويه ......
ما تضره .......طايحة في السيارة
يناظرها بغضب.......زعلان منها
و يفتح الشباك .....و رماها وسط الطريق
واذا اجتمع مع الشباب قال:
متى بنتحضر¿¿¿¿¿¿
عادي........طاح الحطب.......... و حلوة الحياة

المشهد التاسع
اهم شي الثوب نظيف.......و الشماغ مكوي......
و القلم ماركة......والساعة تضوي......
و الجزمة جلد.......والسيارة عجب ......
و تلفونه م ا يسكت......
إما بنات.....
أو البنوك تبي فلوسها.......
...عادي........طاح الحطب.......... و حلوة الحياة



المشهد العاشر
سطحية .......و مغرورة
غبية......و متكبرة......و يا ريتها حلوة
تب ي زوج مواصفات......
ما يقول لا.......ويكره الاستراحات
لازم وسيم.....و انيق.....و متعلم.....و دخله ممتاز
و يحب السفر.........
و بعد سنين......تلاقي نفسها في الانترنت
تدور واحد يقبل بها.......
عادي........طاح الحطب.......... و حلوة الحياة



المشهد الحادي عشر
فتح الكمبيوتر......
و دخل للمنتدى......و كلامه ما يتعدى ان الموضوع روعة و رهيب
و هو ما قراه و لا يعرف كاتبه........
بس يبي يزيد المواضيع موضوع ..........
ويزيد همومنا هم.........
علشان يصير صاحب الألف موضوع......
و يتميز........
والمشكلة انه يتميز ...........
عادي........طاح الحطب.......... و حلوة الحياة



المشهد الأخير
الكذب اثم.........ومع ذلك نستخدمه
و ندري ان هذا حرام........و مع ذلك نجربه
نتذكر السهرة و الفرح و السفر.......
و ننسى الجالسين على كتوفنا ..........
و نتناسى ان معهم كتاب يسجل افعالنا و نياتنا.......
كل شي محسوب.......
حتى النظر ......
نسينا ان ورانا يوم......علاماته قربت
ومع ذلك كلنا ناسين.......
أن بقيت على حالك تتناسى ........لازم تعرف
إن ذاك اليوم مهوب عادي
وانت الحطب
و ما به حياة

قصيده حلوه
شكرا

يآآآآآآألبي يادحووم<<هع
رووووووعهــ ماقصدرت .. تسلم يد كتبتها وتسلم يد نقلتها<<ماعندها كلاام

[COLOR="YellowGreen"][CENTER]مرة حلوة وروعه وكلماتها اروعـ ..
اعجبتني فكرتهـ ..
تسلم الايادي ..
ف انتظار مميزكـ ..[/CENTER][/COLOR]

[FONT="Tahoma"][SIZE="2"][CENTER][COLOR="Black"]والله له قصائد رآآآئعهـ


اما مشاهد
سمعتها مرهـ بس مو كاملة
ومررة اعجبتني
خصوصا يوم قريتها كامله
رووعهـ


[COLOR="Teal"]مشكور وماقصرت
يعطيك العافيه =)[/COLOR] [/COLOR][/CENTER][/SIZE][/FONT]

بصراحه من اروع ماقريت هنا في برابيس حتى الان

كلماات بسيطه بس عمييييييقه

استمعت فيها وفعلا مثل ماقلت اروعها اخرهاا

ماقول إلى

يعطيك الف عافيه

شكراااااااااااا

يعطيك العاافيه ولد لطيفه



من اجمل ماشفت بصرااحه

كلماات حكي الوااقع

كلماات بسيطه



ومشكوور على نقلك الجميل

تسلمـ ياولد لطيفهـ
شوكرن
تقبل مروري

[COLOR="Red"][COLOR="Blue"]ولد لطيفة[/COLOR]

يعطيك العافيه ياخوي ع النقل ¡ تميزت بالنقل وماقصرت

ودامها أول موضوع إن شاء الله ماتكون الأخيره بالقسم[/COLOR]